انا حالا حكتبلك قصيدة
الشاعره سماح مصطفي
من فجرك طلع الغياب
وسنين عذاب لو تتحسب
ينساني عمرك
انا بعترف كتير لقلبك
خوف البعاد
بيهدني
من قبل مانقول الوداع
من قبل ما استسلم لخوفي
واتنكر ف القلب الشجاع
يازمن بيتنفس ضياع
كان فيها ايه لو كنت طبطبت بضمير
كان فيها ايه لو شفت منك كل خير
يازمن بيبعد ف الحبايب
كان فيها ايه لو قلبي ملوش ف الحزن نايب
لو كنت قربت اللي غايب
لو سبت سري ف قلب بير
بيهدني خوف البعاد
بيرمي عمري ف البلاد
تايه حزين
مش عارف امتي يكون فراقنا
وامتى تيجي ف الميعاد
انا حالا هكتبلك قصيدة
مقولش فيها اني بحبك
انا حالا هسمعلك اغاني
مقولش فيها لقلبي عنك
حالا هدرب قلبي ع الفراق
وامسح كلام الاشتياق
واقول مكنش بيحبني
وغصب عني الاقي قلبي
بيقوله ارجع وحشتني
الشاعر و الكاتب المسرحي الكبير د. عبدالغني مصطفي عبدالغني هو واحد من اهم شعراء العاميه وكتاب المسرح في مصر . المولود في 4 يوليو 1955 وتوفي في 24 يناير 2021 إثر تعرضه لوباء كورونا .
وله تأثير ادبي شامل كبير في محافظة الغربية و مدينة كفرالزيات . أصدر عدة كتب في الشعر و المقال و المسرح أهمها ديوان " حكاوي على وتر الراوي " و " يوميات عامل ما بيفهمش " و مسرحيتان للأطفال " الغول و بستان الأحلام " .
ليست هناك تعليقات:
إرسال تعليق
شكرا لك على تعليقك في الموقع الرسمي للشاعر و الكاتب المصري د.عبدالغنى مصطفي عبدالغني (رحمه الله)