أعبط بنت فى مصر
 |
شاعرة العامية الكبيرة أمل درويش |
ياااااااااااااه
دا انا طلعت ..
أعبط بنت فى مصر بحالها
فى اللحظه اللى كل الناس كانت ..
بتمدّ إيديها وتقول لى :
مبـــروك !!
كان همّى الوحيد ....
إنى أظبّط كرانيش الفستان
والورد على الطرحه
ما كنتش أعرف..
إيه اللى ممكن يحصل ؟ !!
عشان المسافه اللى ما بينى ...
وبين الراجل ... !!
اللى قاعد جنبى توصل للصفر ...
أوّل ما قفل عليّا ..
باب الشقه
صرّخت ..
صرّخت ..
صرّخت !!!
قليل الأدب بيبص عليّا ..
وانا باقلع الفستان
ما كانشى منّه ..
غير إنه طلق البخور الأعمى ..
وحضّر أرواح كل جدوده ...
واختصرونى فى ثانيه
ضرب فيها المسافه بمرزبّه ....
وحطّها فى الصفر
من يومها ..
وانا باكره الأصفار ...
والكرانيش البيضا
والورد التل ّ
وكل اللى ممكن يحصل ..
فى المسافه . ...
اللى مش ممكن ..
هاسمح لها تتنفس
ما بينى .. وبين أىّ حـد .
..
شاعرة العامية الكبيرة
أمل درويش
الشاعر و الكاتب المسرحي الكبير د. عبدالغني مصطفي عبدالغني هو واحد من اهم شعراء العاميه وكتاب المسرح في مصر . المولود في 4 يوليو 1955 وتوفي في 24 يناير 2021 إثر تعرضه لوباء كورونا .
وله تأثير ادبي شامل كبير في محافظة الغربية و مدينة كفرالزيات . أصدر عدة كتب في الشعر و المقال و المسرح أهمها ديوان " حكاوي على وتر الراوي " و " يوميات عامل ما بيفهمش " و مسرحيتان للأطفال " الغول و بستان الأحلام " .
ليست هناك تعليقات:
إرسال تعليق
شكرا لك على تعليقك في الموقع الرسمي للشاعر و الكاتب المصري د.عبدالغنى مصطفي عبدالغني (رحمه الله)