(الوردة العطشانة) للشاعر السكندري أحمد الحمله

الوردة العطشانة

الشاعر أحمد الحمله

  

و شايفك طفلة مجنونة

 بتتشاقى و تتعفرت
و حاسك وردة مهمومة
ورق على شوك بيتفرط
ومن جواها دبلانة
و من برة كما البستان
و لامح دمعة ف عينيكى
و بتعافرى مع الأيام
و كل الدنيا حواليكى
قلوب غربان أسود و غيلان

با حسك نسمة زعلانة
و عايشانة ف ضل زمان
يا نور العين أنا المية
أنا الساقى و انا العطشان
يا حضن حنان و حنية
أنا عمرى عشانك هان
و نفسى أعيش عشان خاطرك
أجيب لك بسمة ضحكاية
ترجع لك شباب عمرك
و ارسيكى ف بر أمان

                                   الشاعر السكندري                                   

أحمد الحمله