ااااااااااه يا ابويا
 |
| صورة تجمع الشاعر محمد سامي و والده |
اه يا ابويا
قد ايه العمر قاسي
والزمن انيابه حاده
هي هي دموعي يابا
نازله على نفس المخده
بس فرق كبير قوي بين دمعه من علقة بايديك
والدموع النازلة تصرخ لما اشوف رعشة ايديك
كنت وقت الغربه بلدي
كنت وقت الحرب جيشي
كنت وقت الضيقة سندي
وكنت ضهري وكنت عيشي
واما الشوف السن بيخطط على جبينك خطوطه
يبقى لازم اعوم في بحرك واحمي امواجه وشطوطه
واغزل الفرح لعيونك حتى لو معييش خيوطه
وابقى وقت الغربه بلدك
وابقى وقت الحرب جيشك
وابقى وقت الضيقه سندك
وابقى ضهرك وابقى عيشك
وابني قصر حيطانه ضحك وفرح واعمل روحي بويا
وابقى جنبك وانت جنبي ويبقى قلبي قصر ابويا
..
للشاعر
محمد سامي
الشاعر و الكاتب المسرحي الكبير د. عبدالغني مصطفي عبدالغني هو واحد من اهم شعراء العاميه وكتاب المسرح في مصر . المولود في 4 يوليو 1955 وتوفي في 24 يناير 2021 إثر تعرضه لوباء كورونا .
وله تأثير ادبي شامل كبير في محافظة الغربية و مدينة كفرالزيات . أصدر عدة كتب في الشعر و المقال و المسرح أهمها ديوان " حكاوي على وتر الراوي " و " يوميات عامل ما بيفهمش " و مسرحيتان للأطفال " الغول و بستان الأحلام " .
ليست هناك تعليقات:
إرسال تعليق
شكرا لك على تعليقك في الموقع الرسمي للشاعر و الكاتب المصري د.عبدالغنى مصطفي عبدالغني (رحمه الله)