الواد معلش للشاعر د. عبدالغني مصطفي

 

الواد معلش

الواد ملعش

قال نفسى اشوف الدنيا وابش

واعيشلى يومين

واهرب من اكل الفول والمش

انا قولت المانع ايه مايشوف

بس الوعد ما تتكلمش

على تربيزة الاكل كباب

وما لذ وطاب

قال .. اش اش

فيه ناس مش لاقيه

فتات العيش

وناس عماله تنش

معلش ... معلش

قال سهرنى فى كازينو الليل

البس طرطور

وبزر وديل

واطلعلى بوحده بغمزة رمش

شاف الرقاصه بهزه تخش

واللى بيشرب كون كان جونويكر

واللى بيرمى فلوس ويرش

جرى زى الاهبل

بيمد يقش

لقى واد لميم

على راسه يطش

معلش ... معلش

لو خادنى المسرح

وهناك اتمسرح

اضحك واقهقه

واعوم وافش

شاف ناس بتصقف

للبطله الاش

لبسه وعريانه

وكلامها يوش

الفاظ حساسه

ولا احسنها ما دونه فى دوش

الطف يالطيف

انا جسمى خلاص بيكش

ايه اللى انا شايفه

مساحيق الوان

ووجوه بتغش

راح اعيش على قدى

لو حجره فى عش

وححب الفول

واعشق فى المش

راح احمد ربى

واقول معلش  

 

               للشاعر والكاتب المسرحي

د. عبدالغنى مصطفي